量度手圍及選擇網球手鏈size指南

2026年11月4日

收到好多DM都問我哋點樣去選擇適合自己嘅網球手鏈size，同埋點樣量度自己嘅手圍，所以今日決定整一個簡而精嘅量度手圍以及選擇網球手鏈size嘅指南，令你哋可以更加快同方便地去選擇適合自己佩戴嘅網球手鍊！

【第一步】量度手圍

需要材料：軟尺／繩索／紙條／膠紙

軟尺：係最直接同方便嘅方法，攞屋企嘅軟尺出嚟圍住手腕，然後拉緊，望返同零字重疊嘅位置就係你嘅手腕size啦，最大最大最大嘅重點就係一定要拉緊軟尺，如果唔係就會唔準確㗎啦！

繩索／紙條／膠紙：都係用同一個方法，首先將佢地圍緊喺自己手腕度，然後喺重疊／交叉嘅位置畫上記號，再用間尺量度返記號之間嘅距離就係你嘅手腕size啦。記住一定一定要拉緊繩索／紙條／膠紙，再畫上記號，避免出現誤差！

【第二步】揀網球手鏈size:

量度完手腕size之後，就係時候揀適合自己嘅網球手鏈尺寸啦！我哋一般會建議選購Tennis Bracelet嘅時候，揀大手圍1.3-2.5cm，如果同手圍一樣嘅話就會帶唔落！

俾你哋一個參考，店主嘅手圍係14cm，帶16.5cm就會比較舒服！不過有啲人就鍾意緊啲，可以keep住喺手腕嘅位置唔會郁嚟郁去，就可以選擇15.2 cm，要睇吓你地鍾意邊個效果多啲～

（圖片入面左邊係手圍14 cm佩戴15.2 cm嘅視覺效果右邊係手圍14 cm佩戴16.5 cm嘅視覺效果🤍）

量度完之後，就係時候帶佢哋返屋企啦🛒

Join Livarra