Livarra嘅故事

我哋係 James 同 Rachel。

我哋兩個都係喺香港呢個咁高壓嘅城市入面成長，唔係喺一個富裕嘅家庭長大。買首飾呢啲嘢，一直喺我哋心目中都係好矜貴嘅事——我哋成日都好想買一啲嘢去好好獎勵吓自己嘅努力，但係坊間啲首飾品牌溢價都好大，係好大嘅負擔，令到我哋好卻步。就算睇啱咗，都係遲遲唔敢買。

其實我哋兩個都係好缺乏自信、經常焦慮嘅人。

前幾年，因為一次慶祝生日，我哋去咗個首飾工作坊。就係嗰一次，我哋發現咗一件從來唔知道嘅事——首飾可以係一個人嘅靈魂。每一次焦慮嘅時候，摸吓隻戒指、摸吓條頸鏈，個心真係會靜落嚟。首飾嘅閃耀同質感，可以令到我哋呢兩個平時穿搭好低調嘅人，喺低調之中帶有一種儀式感——唔係要人睇到，係提醒自己：自己已經好叻㗎喇！

但係我哋又發現，市面上嘅首飾一係就貴到負擔好重，一係就平到質素麻麻。一直都冇一個品牌係真正為我哋呢啲普通香港人而設嘅。而且坦白講，平價首飾嘅材質問題我哋自己都試過中伏——Rachel 係一個好容易敏感嘅人，轉個天氣、隻手一冷一熱，成個身都會起反應。洗頭水、護膚品，好多嘢都要精心揀過先敢用。唔怕話俾大家知，佢食海鮮會敏感，食青椒都會敏感。

所以喺揀材質呢件事，我哋真係唔夠膽去貪平，用銅、合金呢啲材質——因為如果材質唔好，我哋自己都帶唔到，又點敢賣俾大家？

所以我哋創立咗 Livarra，用嘅係 925 純銀同莫桑石，係我哋自己每日都佩戴緊嘅材質。由開店到而家，完全冇出現過任何敏感。唔係淨係口講，係我哋自己親身證明緊嘅。

我哋希望每一個同我哋一樣喺香港努力生活嘅人，都可以冇乜負擔咁擁有一件真正好嘅首飾——好好獎勵吓自己每一日嘅努力同付出，放心戴住，然後話俾自己聽：

「我係值得嘅，我已經好叻㗎喇。」

— James & Rachel